Majibu ya Waziri Steven Wasira kuhusu Wagombea Urais wa CCM kuwa wengi..

Tuesday, 23 June 2015

Watu ambao tayari wamejitokeza kutangaza kwamba Wanagombea nafasi ya kuwa wawakilishi wa CCM kwenye nafasi ya Urais idadi yao ni zaidi ya 35 mpaka sasa hivi... Waziri Steven Wasira amewasha kipaza sauti ndani ya Kikao cha Bunge Dodoma na kuongea hizi sentensi zake chache tu kwa wanaokosoa idadi hiyo ya Wagombea.

“Chama cha Mapinduzi ni Chama kikubwa wengine wako huko wananung’unika ooh kina Wagombea wengi mlitaka wawe wachache ili wawe wangapi? Ni wengi kwa sababu Chama chenyewe ni kikubwa, sio Chama kidogo ambacho Viongozi wake wakiingia kwenye Helicopter chini kunabaki hakuna Kiongozi” Steven Wasira.

“Tunapashapasha moto alafu mwisho wa yote tunapata Mgombea mmoja na tutasonga mbele, mwendelee kujiandaa kuwa Wapinzani” Waziri Steven Wasira.