Tanzania, Malta zatiliana saini kuanzisha uhusiano wa kidiplomasia

Tuesday, 16 June 2015

Wawakilishi wa Kudumu wa Tanzania, Balozi Tuvako Manongi na Christopher Grima Malta wakitia sahihi hati za kuanzisha uhusiano wa kidiplomasia katika ngazi ya Mabalozi. Wanaoangalia utiaji sahihi ni Tully Mwaipopo Afisa Mwandamizi wa Uwakilishi wa Kudumu wa Tanzania na Bw. Alan Cordina, Afisa wa Uwakilishi wa Kudumu wa Malta

Na Mwandishi Maalum, New York

Jamhuri ya Muungano wa Tanzania na Jamhuri ya Malta zimekubaliana kuanzisha uhusiano wa kidiplomasia baina yao.

Wawakilishi wa Kudumu wa mataifa hayo mawili katika Umoja wa Mataifa, Balozi Tuvako Manongi wa Tanzania na Christopher Grima wa Malta ndio waliotia sahihi hati za kuridhia kuanzishwa kwa uhusiano huo na ambao utakuwa katika ngazi ya Mabalozi.

Wakizungumza mara baada ya utiaji sahihi hati hizo, wawakilishi hao wameelezea kuwa kuanzishwa kwa uhusiano huo ni hatua muhimu sana katika kukuza na kuendeleza ushirikiano na uhusiano kati ya mataifa hayo mawili na watu wake.

Tanzania imekuwa ikinufaika kwa ufadhili wa nafasi za masomo kutoka Malta kwa watumishi mbalimbali wakiwamo wa Wizara ya Mambo ya Nje na Ushirikiano wa Kimataifa na Wizara nyingine.

Mwakilishi wa Kudumu wa Tanzania katika Umoja wa Mataifa, Balozi Tuvako Manongi na Mwakilishi wa Kudumu wa Malta katika Umoja wa Mataifa, Balozi Christopher Grima wakipongezana mara baada ya kutia sahihi hati walizoshika za kuanzisha uhusiano wa kidiplomasia katika ngazi ya Mabalozi. Hati hizo baadaye ya zitawasilishwa rasmi kwa Katibu Mkuu wa Umoja wa Mataifa